Денеска фудбалските репрезентации на Чешка и Јужна Африка во рамките од групата А ремизираа 1:1 на Светското првенство во натпреварот одигран во Атланта, САД.

Се играше шестата минута, а на семафорот веќе беше 1:0 во корист на избраниците на Мирослав Кубек. Михал Садилек ја искористи асистенцијата од Александар Сојка и лесно го совлада јужноафриканскиот голман. Чесите имаа уште една шанса по тој гол, а потоа целосно застанаа, односно африканскиот тим почна повеќе да напаѓа.

„Бафана Бафана“ не создаде ниту една сериозна шанса во првите 45 минути. Можеби најблиску до гол беа во првото полувреме од натпреварот кога Матеј Ковар ја загуби топката по центаршут, но чешките одбранбени играчи брзо ја отстранија опасноста. Немаше промена во резултатот, а Чешка влезе на полувреме со минимална предност.

Европскиот тим влезе одлично во второто полувреме. За само 100 секунди, дојде до две шанси. Во првата, Хложек беше блокиран, додека во втората, Вилијамс го одбрани ударот на Дарида од далечина. Се чинеше дека Чесите ќе напаѓаат почесто во тој момент, но сето тоа беше краткотрајно. Многу брзо, тимот на Кубек повторно се повлече и противникот повеќе ја имаше топката.

Јужна Африка не можеше ништо да направи со тој посед. Тимот на Хуго Брос имаше пет корнери, но во ниту еден момент не го загрозија голот што го чуваше Матеј Ковар. Се чинеше дека ништо нема да се случи до крајот на играта, а потоа Африканците дојдоа до погодок. Еден од чешките дефанзивци играше со рака, а судијата покажа на белата точка.

Немаше ништо сомнително, па Тебо Мокоена ја презеде одговорноста. Напаѓачот беше прецизен во 83 минута и му донесе израмнување на својот тим. До крајот, Чесите се обидуваа да стигнат до ново водство и победа, но Јужна Африка се бранеше исклучително добро. Немаше промена во резултатот, па двата тима мораа да се задоволат со бод.