Maкедонскиот репрезентативец, Јован Манев по една полусезона во хрватски Осијек се враќа во Турција во тимот на Адана.

Манев се враќа во Адана затоа што турскиот клуб одлучи да ја активира клазулата од договорот со Осијек и предвреме да го повлече својот фудбалер од позајмицата. Ваквиот потег значи дека Адана сериозно смета на Манев во вториот дел од сезоната.

„Одлуката беше исклучиво на Адана, така беше и договорот со Осијек. Чест ми беше што играв за овој клуб, Адана е мојот клуб за кој сум врзан со повеќегодишен договор и нормално дека прифатив да се вратам. За Осијек дадов се од себе, а жалам што поради повредата на тетивата не забележав повеќе настапи во ХНЛ. Турската лига е силна и се надевам дека ќе ги оправдам очекувањата“, изјави Манев за клупската страница на Адана.

Манев во септемврискиот циклус дебитираше за сениорската репрезентација на Македонија и тоа во натпреварот против Италија во Скопје. Дресот на репрезентацијата досега го носеше на пет натпревари.