Јога за мозокот: Ја подобрува интелигенцијата, ја поттикнува креативноста
Вежбата можете да ја изведувате два до три пати на ден, вели јога мајсторот Чоа Кок Суи и додава дека на крајот не е лошо во себе да си кажете и молитва – на што се сте благодарни во животот.
Оваа метода ја развил Чоа Кок Суи, големиот мајстор и основач на ‘Modern Pranic Healing and Arhatic Yoga’, центарот во Индија. Јогата за мозок детално ја објасни во својата книга ‘Superbrain Yoga’, а ние од неа издвоивме дел како вежбата да ја изведувате правилно.
Јогата за мозок е многу едноставна техника која во целост ги подобрува интелектуалните способности, опушта, ја поттикнува креативноста, духовноста… Се темели на суптилно преобликување на енергијата која позитивно влијае на нашиот ум, и тоа со комбинација од притискање, дишење и движења.
Постапката е следната:
– Завртете се кон истокот доколку сте млади, а кон северот доколку сте лица во повозрасни години.
– Прилепете го јазикот за непцето горе и држете го така.
– Стапалата раширете ги малку, нека бидат во ширина на рамената.
– Стиснете ја десната ушна ресичка со левиот палец и показалецот.
– Стиснете ја левата ушна ресичка со десниот палец и показалецот.
– Левата рака на градите треба да лежи одвнатре, а десната однадвор (врз левата) – тоа е правилната положба.
– Чучнете и истовреме вдишете. Кога ќе станете во исто време издишете и внимавајте да го запазите ова правило за дишење.
Чучнувањето повторувајте го 14 пати во еден циклус, или 21 пат доколку ви е потребна екстра помош околу мозокот. Исто така, кај оние луѓе кои веќе ја применуваат јогата, доволни се 7 повторувања во еден циклус.
Јогата за мозок можете да ја изведувате два до три пати на ден, вели Чоа Кок Суи во својата книга и додава дека на крајот од вежбата, откако ќе ги пуштите ушите не е лошо во себе да изговорите кратка молитва за благодарност или едноставно да помислите на што се во животот сте благодарни.