Јапонците го објавија списокот од 26 фудбалери за претстојното Светско првенство, а на него ги нема двете можеби и најголемите ѕвезди на јапонскиот фудбал Такуми Минамино од Монако и Каору Митома од Брајтон.

Двајцата офанзивни играчи ќе го пропуштат Мундијалот поради повреди. Минамино е еден од најискусните во националниот тим со 73 настапи, 26 голови и 11 асистенции, додека Митома има 31 настап, девет погодоци и осум асистенции за Јапонија.

Јапонија на претходното Светско првенство испадна во осминафиналето од Хрватска по изведување пенали, по реми 1:1 во регуларниот дел. Во пенал-серијата токму Минамино и Митома не реализираа и голманот Доминк Ливаковиќ ги одбрани нивните удари.

На претстојниот Мундијал, Јапонија ќе игра во група со Холандија, Тунис и Шведска.

СПИСОКОТ НА ЈАПОНИЈА:

Голмани: Зион Сузуки (Парма), Кеисуке Осака (Санфрече Хирошима), Томоки Хајакава (Кашима антлерс).

Одбрана: Хироки Ито (Баерн), Џуносуке Сузуки (Копенхаген), Ајуму Секо (Ле Авр), Шого Танигучи (Сент-Труден), Цујоши Ватанабе (Феенорд), Ко Итакура (Ајакс), Такехиро Томијасу (Ајакс), Јукинаи Сугавара (Вердер), Јуто Нагатомо (ФК Токио).

Среден ред: Даичи Камада (Кристал палас), Ао Танака (Лидс), Каишу Сано (Мајнц), Ватару Ендо (Ливерпул), Кеито Накамура (Ремс), Даизен Маеда (Селтик), Рицу Доан (Ајнтрахт Франкфурт), Јуито Сузуки (Фрајбург), Јуња Ито (Генк).

Напад: Ајасе Уеда (Феенорд), Коки Огaва (НЕЦ), Кенто Шиогаи (Волфсбург), Кеисуке Гото (Сент-Труден), Такефуса Кубо (Реал сосиедад).

Франција без Камавинга: Дешан го објави списокот за Мундијалот