Светското фудбалско првенство започнува за помалку од еден месец, а селекторот на актуелниот вицешампион на планетата Дидие Дешан го објави списокот на играчи што ќе ги поведе во Северна Америка.

Мундијалот оваа година ќе се игра во САД, Канада и Мексико, а како еден од најголемите фаворити за освојување на титулата, на првенството ќе пристигне француската репрезентација.

Дешан го објави списокот од 26 играчи, а најголемото изненадување е што меѓу нив не е Едуардо Камавинга, редовен играч во првиот тим на Реал Мадрид од Мадрид. Освен него, во составот ги нема играчите како Лени Жоро, Корентан Толисо, Кефрен Турам, Уго Екитике, Матео Гендузи или Пјер Калулу.

Голмани: Мајк Мењон, Робин Рис, Брис Самба.

Одбрана: Лука Дињ, Мало Густо, Лукас Ернандез, Тео Ернандез, Ибрахима Конате, Жил Кунде, Максенс Лакроа, Вилијам Салиба, Дајо Упамекано.

Среден ред: Н’Голо Канте, Ману Коне, Адриен Рабио, Аурелиен Чуамени, Ворен Заир-Емери.

Напад: Магнес Аклиуш, Бредли Баркола, Рајан Черки, Усман Дембеле, Дезире Дуе, Жан-Филип Матета, Килијан Мбапе, Мајкл Олисе, Маркус Тирам.

Франција на Светското првенство ќе игра во групата И заедно со Сенегал, Ирак и Норвешка.

𝟐𝟔 𝐣𝐨𝐮𝐞𝐮𝐫𝐬, 𝟏 𝐞́𝐪𝐮𝐢𝐩𝐞, 𝟏 𝐩𝐚𝐲𝐬 🇫🇷

On part ensemble à la Coupe du Monde ! 👊🌎#FiersdetreBleus pic.twitter.com/JT5BxQx5BE

— Equipe de France ⭐⭐ (@equipedefrance) May 14, 2026