Јагоди со шлаг – кралскиот десерт кој се служи на „Вимблдон“
Нема ништо послатко од јагоди и шлаг! На ова жешко време, пробајте го рецептот кој е вековна кралска традиција, декадентна и лесна е за правење. Во оваа комбинација се уживало со векови во Велика Британија, а Кардинал Волси кој бил десна рака на кралот Хенри VIII, се смета за првата личност што го создала јадењето во 16 век. Сега на „Вимблдон“ се служат околу 192.000 порции од овој десерт секоја година, пренесува „People“.
View this post on Instagram
Состојки:
- Пола килограм мали свежи јагоди, убаво исчистени
- 2 лажици шеќер
- 180 гр крем за шлаг, изладен
- 35 гр шеќер во прав
- 1 лажиче екстракт од ванила
- свежи листови од нане, за украс
View this post on Instagram
Подготовка:
Во чинија, измешајте ги заедно јагодите и шеќерот додека убаво се распоредат состојките. Покријте ги и ставете ги во фрижидер. Најмалку 1 час, а најмногу до 8 часа. Потоа, ставете крем за шлаг, шеќер во прав и екстракт од ванила во средна чинија. Мешајте со електричен миксер со голема брзина додека не се формираат меки врвови. Послужете ги јагодите со нивните сокови рамномерно во чинии за сервирање. Одозгора ставете им дарежлива количина на шлаг од ванила и украсете со нане.
На здравје!