Извршниот директор на Сити: Да се каже дека поради парите сме најдобри не е точно
Манчестер сити доминира во Англија, извесно е дека по седми пат во последните 12 години ќе ја освои Премиер лигата.
По вторпат во три години стигна до финалето на Лигата на шампионите во кое ќе се обиде да ја освои првата титула во ова натпреварување против Интер на 10 јуни во Истанбул.
Покрај тоа, „граѓаните“ ги очекува и финалето во ФА Купот против Манчестер јунајтед.
Проектот функционира беспрекорно под раководство на менаџерот Пеп Гвардиола, парите никогаш не биле проблем, но според извршниот директор на клубот Феран Сориано им порачува на критичарите дека системот е поважен од сè друго и дека не е сè во вложувањето во играчкиот кадар.
– Видете, треба само да ја погледнете инвестицијата во играч во Англија во последната година, три години, пет години. Никогаш не сме клубот кој троши најмногу на играчи. Има многу други клубови кои вложуваат повеќе пари од нас – Челси, Манчестер јунајтед, Арсенал. Да се каже дека сме потрошиле многу пари и дека поради тоа победивме, едноставно не е точно – вели Сориано.