Поради влошената безбедносна состојба на Блискиот Исток, израелските кошаркарски клубови Макаби Тел Авив и Хапоел Ерусалим во наредниот период нема да настапуваат на домашен терен. Наместо во Израел, своите натпревари ќе ги организираат во Белград.

Израелските медиуми пренесуваат дека раководствата на двата клуба донеле одлука привремено да ја напуштат земјата додека трае воениот конфликт, а српската престолнина е избрана како најсоодветна и најбезбедна опција за одигрување на мечевите.

За Макаби ова не е прв ваков потег. Клубот и претходно дел од сезоната го мина во Белград, во период кога имаше ескалација на конфликтот меѓу Израел и Палестина.

И Хапоел Ерусалим, кој се натпреварува во Еврокупот, до крајот на сезоната ќе ги игра своите средби во главниот град на Србија.

За разлика од нив, евролигашот Хапоел Тел Авив одлучи своите домашни натпревари да ги пресели во Атина, каде ќе биде домаќин до стабилизирање на состојбата.

Кошаркарите на Хапоел го напуштаат Израел: Клубот со итно соопштение, еве каде ќе бидат сместени