Марин Докузовски се врати во мак-баскетот, ќе биде тренер на второлигаш
Eден од најпознатите и најтрофејни македонски тренери кој ни го донесе најголемиот репрезентативен успех во кошарката, Марин Докузовски е нов тренер на МКК Куманово.
Не станува збор за клубот кој минатата сезона испадна во Втората лига, туку за градскиот ривал кој до неодамна беше дел и од третолигашката конкуренција. МКК Куманово е клуб кој е формиран во 2018 година, па затоа и доведувањето на Докузовски е и сензационално.
Инаку, попознатиот КК Куманово минатата сезона испадна во Втората лига, а двата клуба немаат поврзаност.
„Најуспешниот и еден од најдобрите кошаркарски тренери во историјата на Македонија, Марин Докузовски е новиот тренер на Младински Кошаркарски Клуб Куманово кој се натпреварува во втората кошаркарска лига. Клубот постои од 2018 година, а во состав на клубот има младински кошаркарски школи од 12, 14, 16 и 18 години кои работат на развој и создавање на нови локални кошаркарски таленти“, соопштија од МКК Куманово.