Првиот тенисер на АТП ранг листата, Новак Ѓоковиќ, го заврши настапот на турнирот од серијата 1000 во Монте Карло во осминафиналето откако е поразен од Даниел Еванс во два сета со 6:4,7:5.

Британскиот тенисер кој ја оствари една од најголемите поведи во кариерата, речиси четири години немаше победа на земјени терени, а во Монте Карло беше подобар од Душан Лајовиќ, Хуберт Хуркач кој победи на мастерсот во Мајами, а денеска го победи и Ѓоковиќ.

Причина за поразот на Ѓоковиќ се грешките, тој имаше дури 45 неизнудени грешки, а ниту сервисот не беше на препознатливото ниво. Сето тоа го искористи Еванс за да дојде до победата и во наредната рунда го очекува пресметка со Давид Гофан кој исто така приреди изненадување со победата над Александер Зверев од 6:4,7:6 .