Српскиот вицепремиер и министер за внатрешни работи Ивица Дачиќ денес е отпуштен на домашно лекување, соопшти директорот на Клиниката за пулмологија на Универзитетскиот клинички центар на Србија (УКЦ), Михаило Стјепановиќ, пренесува Нова.рс.

„По речиси две недели хоспитализација, Дачиќ денес е отпуштен на понатамошно домашно лекување. Тој се опорави, стабилен е, но сè уште му е потребен мониторинг и домашна нега. Доби совет за понатамошна терапија“, изјави Стјепановиќ за новинарите во име на УКЦ.

Дачиќ беше примен во болница на 25 февруари поради билатерална пневмонија и беше поврзан со респиратор.

Ивица Дачиќ за првпат се огласи откако е во болница: „Се вратив, животе мој!“