Фудбалската репрезентација на Италија ќе има голема поддршка на бараж натпреварот за пласман на Светското првенство во Катар против Македонија бидејќи билетите за дуелот кој треба да се игра во Палермо, беа распродадени за помалку од два часа.

Капацитетот на стадионот „Ренцо Барбера“ има капацитет од 26.000 седишта, но поради протоколите во Италија дозволено е на трибините да има нешто повеќе од 20.000 фанови на трибините.

Италијанските медиуми шпекулираат дека до 24 март можно е да се подобри епидемиолошката состојба во земјата и здравствените власти да дозволат стадионот да биде исполнет до последно место.