Исмаили: Бараме правда, да се најдат виновниците за трагедијата во модуларната болница во Тетово

Мумин Исмаили - Фото/Приватна архива
Мумин Исмаили - Фото/Приватна архива

Мумин Исмаили од тетовско Нераште кој успеа да се спаси од пожарот во модуларната болница во Тетово на 8 септември 2021 година, бара правдата за овој случај да излезе на виделина. Мумин Исмаил, иако самиот успеал да се спаси, не успеал да ја спаси и неговата мајка, која го загуби животот во пожарот.

Тој вели дека ниту една премија, односно обештетување со пари, не може да му ја врати мајката, па токму затоа и ги одбил парите за отштета. Како што вели ако го прими тој паричен надомест, тогаш случајот никогаш нема да добие правна развршница.

– Како човек на кој му се случи двојна трагедија, досега не знам ништо до каде е судскиот процес за овој случај. Имаме адвокат, но имаме малку информации за тоа што се случува во судските кругови. Ние бараме правда и да се најдат виновниците за трагедијата, изјави Исмаили за „Слободен печат“.

Тој раскажуваа дека на почетокот кога се случи трагедијата биле повикани во тетовскиот основен Суд да даваат изјави, но чудно е, додава, како по две недели откако ги дале изјавите, предметот за овој случај преминал во рацете на друг судија.

– На германскиот извештај во кој се вели дека пожарот е предизвикан од продолжен кабел на струја, не можам да му верувам. Јас сум бил на лице место, сум бил таму, пациент во болницата. Не е точна оваа констатација. Пожарот избувнал на почеток од соба број 3, таму имало една клима, и секогаш кога се вклучуваше имаше проблеми со струјата, односно склопката на струјомерот, раскажува Исмаили.

Државниот обвинител Лубомир Јовески изјави дека обвинителството од почеток сериозно му се посвети на овој случај и ги стави на располагање сите ресурси за истрага на истиот.

– Во овој случај, во овој дел на процедурата не се земени само експертизите, но се сослушани и неколку луѓе, извршени се и други експетизи, како експертиза на електричната инсталација и сл… Обвинителството го истражува целосно овој случај и ќе одговори на сите дилеми и специфични околности, истакна Јовевски.

За овој случај веќе е формирана и работна група од обвинители. Освен германската експертиза, има и неколку други домашни експертизи.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот