Иранскиот министер за надворешни работи, Абас Аракчи, се огласи откако британската влада одобри користење на воени бази во Велика Британија за извршување напади врз ирански ракетни локации кои напаѓаат бродови во Ормускиот теснец.

„Мнозинството Британци не сакаат да учествуваат во никаква израелско-американска војна против Иран. Игнорирајќи го сопствениот народ, г-дин Стармер ги става во опасност британските животи дозволувајќи британските бази да се користат за агресија против Иран. Иран ќе го искористи своето право на самоодбрана“, напиша Аракчи на X.

Vast majority of the British People do not want any part in the Israel-U.S. war of choice on Iran.

Ignoring his own People, Mr. Starmer is putting British lives in danger by allowing UK bases to be used for aggression against Iran. Iran will exercise its right to self-defense.

— Seyed Abbas Araghchi (@araghchi) March 20, 2026

Стармер претходно изјави:

„Нема да бидеме вовлечени во војна“.

Британските министри се состанаа денес за да разговараат за војната со Иран и блокадата на Ормускиот теснец од страна на Иран, според соопштението на Даунинг стрит.

„Тие потврдија дека договорот што им дозволува на САД да користат британски бази во колективната самоодбрана на регионот вклучува американски одбранбени операции за ослабување на ракетните позиции и можностите за напад врз бродови во Ормутскиот теснец“, се вели во соопштението.

Британците им дадоа зелено светло на САД за напади од нивните бази