Воздушниот простор на Иран беше делумно повторно отворен утрово, а меѓународните летови беа повторно дозволени над источниот дел од земјата, објави Tајмс оф Израел, а исто така утринава имало бродови кои поминале низ Ормутскиот теснец.

Воздушните коридори во источниот дел од земјата се отворени за меѓународни летови, а неколку аеродроми беа повторно отворени во 7:00 часот по локално време, објави новинската агенција Тасним, повикувајќи се на порака НОТАМ (Известување до пилотите и воздухопловците) до пилотите ширум светот во контекст на прекин на огнот во војната на Блискиот Исток.

Според веб-страницата за следење на летови FlightRadar24, непосредно пред 7:00 часот по локално време, ниту еден авион сè уште не прелетал над Иран, кој го затвори својот воздушен простор на 28 февруари на почетокот на израелско-американската офанзива на негова територија.

Иран објави дека отворил шест аеродроми во земјата, вклучувајќи го и оној во Техеран.

Исто така, група од осум танкери денес минуваше низ Ормутскиот теснец. Групата, составена од еден многу голем танкер за сурова нафта, неколку танкери за нафтени производи и хемикалии и танкер за течен нафтен гас, минала низ иранските води јужно од островот Ларак.