Сателитски снимки покажуваат дека Иран оштетил повеќе од 20 американски воени бази на Блискиот Исток, објави „Би-би-си“.

Анализата билa спроведена од британскиот медиум со користење сателитски снимки и видеа, како и архивски снимки од компанијата за сателитско снимање „Планет“, за да ја процени штетата предизвикана од иранските напади.

Иран таргетирал клучни објекти во осум земји во регионот од крајот на февруари, при што биле таргетирани современи системи за противвоздушна одбрана, авиони за полнење гориво и радари.

Извештајот проценува дека директната штета се мери во милиони долари, додека, пак, вкупните трошоци за поправка и замена би можеле да достигнат милијарди.

Иран тврди дека нападнал американска база — Трамп вели дека „сѐ ќе биде во ред“

Иран ги таргетирал објектите во Саудиска Арабија, Обединетите Арапски Емирати (ОАЕ), Катар, Кувајт, Ирак, Јордан, Бахреин и Оман, како одмазда за американско-израелските напади врз Иран и Либан во последните месеци.

Иранскиот врховен лидер Моџтаба Хамнеи тврди дека американските бази повеќе не се безбедни, додавајќи дека Блискиот Исток веќе нема да служи како „штит“ за САД.

Белата куќа претходно тврдеше дека иранските воени капацитети се речиси уништени.

Но, аналитичари за „Би-би-си“ велат дека штетата на американските објекти укажува на попрецизни и пообемни напади од тоа што официјално се признава.

САД одбија да коментираат за наодите, повикувајќи се на оперативна безбедност.

Вашингтон истовремено побара ограничување на сателитските снимки од „Планет“ за делови од Блискиот Исток, за да се намали можноста тие да бидат користени за воени цели.

„Би-би-си“ сепак користел други сателитски извори и архивски снимки за анализа, при што се потврдени најмалку 20 оштетени бази, а некои проценки укажуваат и на бројка до 28 погодени локации.

Иран објави видео од нападот врз Кувајт — на ракетата има слика од Трамп како моли за помош