Откако утрово нападна американска база во Кувајт, Иран објави видео преку своите официјални канали кое, според Техеран, го прикажува моментот на лансирање на балистичките ракети, пренесува Гардијан.

На самиот почеток на видеото е прикажан крупен план од телото на една од ракетите, на кое се гледа налепница со политичка порака. На неа е американскиот претседател Доналд Трамп, покриен со модринки, како држи телефонска слушалка и моли за помош.

„Додека и последниот американски војник не си замине од регионот“, стои како порака.

Позадината на налепницата го прикажува затворениот Ормуски Теснец, стратешки клучен морски премин кој моментално е под двојна блокада.

#Iran #SITREP | The Islamic Revolutionary Guard Corps #IRGC published footage that it said showed missiles being launched toward “U.S. military facilities” in Kuwait early this morning. A second video reportedly showed the missiles allegedly fired from Iran’s Khuzestan Province… https://t.co/10hx65QdCC pic.twitter.com/m6ZxjpGYMn

— Basha باشا (@BashaReport) June 1, 2026

Инаку, САД соопштија дека викендов погодиле ирански воени локации, па Иран денеска како одговор нападна американска база, што е најново во серијата разменети напади во време на преговори за завршување на тримесечната војна.

Нападите врз иранското крајбрежје во Заливот биле одговор на „агресивни ирански дејствија, вклучително и на соборувањето на американски дрон MQ-1, кој оперирал над меѓународни води“, соопшти на „Икс“ Централната команда на американската армија (ЦЕНТКОМ).

Иранската Револуционерна гарда тврди дека нападнала американска воздушна база како одговор на ударите врз Јужен Иран, но не ја откри локацијата. Во Кувајт, каде има голема американска база, противвоздушната одбрана пресретнувала ракети и дронови додека се огласувале сирени.

Иран тврди дека нападнал американска база — Трамп вели дека „сѐ ќе биде во ред“