Иран целосно го суспендираше извозот на петрохемиски производи за да даде приоритет на домашното снабдување и да спречи недостиг на суровини, пренесуваат медиумите.

Се наведува дека државната национална петрохемиска компанија им наредила на компаниите да го суспендираат извозот до понатамошно известување.

Некои од иранските центри за производство на петрохемиски производи беа цел на израелски воздушни напади во последните недели, додека американската поморска блокада ги спречува бродовите да ги користат иранските пристаништа.

Iran halted petrochemical exports after stopping ~75% of its production due to strikes.
Key facts:
~74 mt annual output; ~29 mt exports (<40%)
$13–15bn annual export revenue (2nd after oil)
Damaged Asaluyeh + Mahshahr complexes= 76% of total capacityhttps://t.co/RvU8GidDSC

— Caspian Energy Intelligence (@KhazarEnergy) April 16, 2026

Доколку информацијата биде потврдена од иранските претставници, тоа практично би значело дека американскиот претседател Доналд Трамп, со одлуката за воведување блокада на Ормускиот Теснец, ја постигнал својата цел да употреби економски притисок за да го принуди Иран да седне на преговарачката маса со поинаков став од досегашниот, посочуваат медиумите.

Инаку, американските сили, за потсетување, распоредија околу 20 воени бродови во регионот каде што се наоѓа Ормускиот Теснец.

Техеран засега нема коментар, но се заканува

Од друга страна, воениот советник на иранскиот врховен лидер, Мохсен Резаи, изјави дека иранските системи за лансирање се подготвени да ги погодат американските воени бродови и да ги „потонат“.

Резаи, во телевизиско интервју изјави дека Иран може да го зголеми воениот притисок врз своите противници и дека, како што посочи тој, секој обид за поморска блокада на Иран ќе биде „неуспешен“, објави порталот „Прес ТВ“.

.