Германската покраина Саксонија е на праг да формира институција за „присилно вдомување” на оние кои повеќепати биле фатени како го прекршуваат карантинот како мерката во борбата против ковид-19, објави весникот „Билд“.

За оваа цел се планира повторно опремување на центарот за прием на бегалци што беше изграден во 2017 година во Дрезден. Според весникот, во пролетта во 2020 година, министерката за здравство на Саксонија, Петра Копинг предложила испраќање на непочитувачите на карантин во психијатриски болници. Овие планови беа откажани, како и идеите за нивно сместување во хотели или болници.

Кои ќе бидат условите и трошоците за сместување во новата институција не е објавено. Сепак, областа е оградена и полицијата ќе набљудува.

Министерството за социјална заштита ги потврди плановите на публикацијата за повторно опремување на центарот. Во исто време, „присилното сместување” може да биде залуѓето кои повеќепати правеле прекршоци.

– Редоследот на постапување е етапен: упорен предлог, парична казна, судски налог, соопшти Министерството.

Министерството за здравство мора да го достави барањето до судот. Во Саксонија досега немало такви преседани, но властите сакаат да се подготват, наведува Билд.