Дали некогаш сте се разбудиле збунети, изненадени или можеби дури и возбудени поради „жешки“ сцени што сте ги доживеале во сон, во интимна атмосфера или во спалната соба?

Ваквите соништа не се воопшто ретки и, според повеќе истражувања, често имаат подлабоко значење и симболика. Едно од нив, спроведено на 3.000 возрасни испитаници, покажува дека значителен дел од соништата имаат еротска, односно интимна содржина. Дополнително, прашалник на телемедицински портал, пополнет од 2.000 возрасни Британци, открива дека ваквите соништа не им се непознати – напротив, повеќе од третина од нив активно барале објаснување за значењето зад овие „ноќни фантазии“, пишува „Живим“.

Сте доживеале оргазам

Сонувањето оргазам може да биде одраз на сексуална желба, без разлика дали е остварена или неисполнета. Понекогаш тоа може да биде знак дека не сте задоволни од вашиот тековен сексуален живот и дека треба да разговарате за своите чувства со партнерот.

Сексуална несигурност

Соништата во кои се појавува неможност за сексуално функционирање ретко се однесуваат на самиот секс. Почесто се поврзани со стрес и вознемиреност и можат да одразуваат чувство на притисок или страв од неуспех во некоја друга област од животот.

Изневерување

Во позадина, предметот на изневерување често воопшто не е сексот, туку чувството на вина, лутина или незадоволство од вашата сегашна врска. Изневерувањето може да биде повеќе симболично отколку буквално. Ако, пак, сонувате дека партнерот ве изневерил, можеби всушност чувствувате дека не поминувате доволно квалитетно време заедно или сте љубоморни на времето што тој/таа го поминува со некој друг.

Сон за мастурбација

Може да укажува на потреба од поголемо чувство на уживање, задоволство или опуштање во животот. Таквите соништа често немаат буквално сексуално значење, туку можат да сигнализираат желба повеќе да се посветите на себе, на своите потреби или на она што ви носи угодност и исполнетост. Понекогаш можат да бидат и поттик поактивно да преземете одговорност за сопственото задоволство – емоционално, креативно или телесно.

Секс со поранешен партнер

Соништата за секс со поранешен партнер се многу чести и, по правило, не се причина за загриженост. Истражувањата покажуваат дека такви соништа често се јавуваат и кај лица кои се во стабилна, нова врска. Умот едноставно може да поврзува слични искуства од минатото или да користи познати обрасци за да ги обработи актуелните емоции. Психологот Тереза Чунг наведува дека соништата за поранешен партнер понекогаш можат да значат дека емоционално сте продолжиле понатаму и дека сте подготвени да ги искористите искуствата и лекциите од тој однос во сегашниот или идниот.

На што е важно да се обрне внимание?

Се препорачува, при толкувањето на соништата, да се запрашате како сте се чувствувале во сонот. Кон кого бил насочен сонот? Каков однос имате со таа личност во реалноста? Што таа за вас симболизира и кои особини ги поврзувате со неа? Подеднакво е важно да се разгледа што точно се случувало во сонот и какви емоции биле присутни, бидејќи токму тие елементи често ја носат клучната порака на сонот.