Интер ја спушта топката, бара четворица играчи на Барса за Лаутаро
Барселона како главен приоритет во летниот преоден рок го означи напаѓачот на Интер, Лаутаро Мартинез. Управата на Барселона се обидува на секакви начини да се договори со Интер но засега не им поаѓа од рака.
Откупната клаузула на Мартинез од 1. до 15. јули ќе изнесува 111 милиони евра, но повеќе од сигурно е дека Барселона нема толку пари за да ја активира клаузулата.
Весникот „Газето дело Спорт“ денеска пренесува дека во Интер мора сериозно да размислат за размена со Барселона и дека веќе имаат понуда на маса, четворица играчи на каталонскиот клуб во замена за Лаутаро плус пари.
Барселона ги нуди Артуро Видал, Карлес Алења, Нелсон Семедо и Марк Кукуреља.
Интер сакаше во понудата да биде вметнар и Артур, но бразилскиот репрезентативец е недопирлив и нема шанси да биде продаден.
Тренерот на „нероаѕурите“ Антонио Конте го сака по секоја цена Артуро Видал, додека по вкусот на Италијанецот се и Алења и Семена, но проблем во реализација на трансферот може да претставува Кукуреља кој не е доволно интересен за Интер.
Сепак, „Газета дело Спорт“ пишува дека Интер сериозно размислува да ја прифати оваа понуда на Барселона која е подготвена да доплати околу 30 милиони евра, бидјеќи Лаутаро веќе ги известил челниците на екипата дека сака да игра покрај Меси и затоа нема да прифати нов договор.