Инцидент во Римини: Сомалиец со нож избоде петмина, меѓу кои и дете
Италијанската полиција уапси сомалиски барател на азил откако во саботата вечер со нож избоде четири лица и шестгодишно дете во туристичкиот град Римини, објави денеска новинската агенција АНСА.
Препорачано
Истражителите засега исклучуваат терористички напад, додава АНСА.
Министерката за внатрешни работи Лусијана Ламоргезе го опиша инцидентот како „исклучително сериозен” и во соопштението наведе дека во понеделник ќе дојде во Римини на безбедносен состанок.
Italian police were investigating a Somali asylum-seeker for attempted murder after he allegedly slashed two ticket controllers aboard a bus in the beach resort town of Rimini, then wounded three other people. Via @AP https://t.co/wlJ2v2FSdi
— Bloomberg (@business) September 12, 2021
Италијанските медиуми јавуваат дека маж избодел две контролорки на билети во автобус, а потоа во бегство уште три лица, меѓу кои и едно дете.
Сомалиецот (26) престојувал во Италија неколку месеци и поднел барање за азил. Тој е во Европа од 2015 година и веќе аплицирал за статус на бегалец во Данска, Шведска, Германија и Холандија.
