ИЛЈАДНИЦИ ВОЗИЛА ЗАГЛАВЕНИ ВО КАТАЛОНИЈА: Сепаратистите блокирале автопат, поставиле и барикади (ФОТО+ВИДЕО)
Каталонските сепаратисти продолжија со блокада на автопатот кај градот Жирона и оставија заглавени илјадници автомобили и камиони, јавуваат тамошните медиуми.
Демонстрациите почнале во вторникот, кога демонстрантите блокирале автопат, а денеска во текот на утринските часови поставиле и барикади.
По неколку часа пристигнала полицијата која ги растерала демонстрантите, кои во меѓувреме запалиле некои барикади.
Локалните цивилни служби во текот на ноќта се грижеле за луѓето кои останале заглавени во своите автомобили.
Околу 80 луѓе биле однесени во околниот спортски центар за да одморат неколку часа.
Протестот е резултат на бесот на сепаратистите поради пресудата за каталонските политичари кои се осудени при обидот да прогласат независност на Каталонија.
Незадоволството е поттикнато и од националните избори, кои во неделата се одржаа во Шпанија.