Израелските воздушни напади во последните два дена усмртија најмалку десетина луѓе во Газа, соопштија вчера локалните здравствени власти, додека нападите продолжуваат речиси секојдневно и покрај повеќемесечниот прекин на огнот со Хамас, објави „Асошијетед прес“.

Тројца членови на едно семејство вчера загинале во централниот дел на Газа, соопштија од болницата „Ал Акса“.

Во вторникот, една жена и шест полицајци биле убиени во воздушен напад врз полициска станица во густо населениот бегалски камп Џабалија во северниот дел на Газа, соопштија болнички претставници.

Еден маж загинал при бомбардирање на камп со шатори во Кан Јунис на југот, според болницата „Насер“. Израелските сили, исто така, застрелале и убиле едно дете во областа Муваси, во близина на најјужниот град Рафа, наведоа болнички претставници.

Израелската армија засега не ги коментираше нападите.

Bdía,
Nuevos ataques aéreos sobre la ciudad de #Gaza.
Más muertes, más heridos, más destrucción…
La estrategia es hacer la vida imposible en #Gaza y hacer del silencio un hábito donde todo el mundo pueda acomodarse.
El #genocidio continúa.#NeverStopTalkingAboutGaza pic.twitter.com/cCSjLkVl7c

— Julio Rodríguez (@Julio_Rodr_) July 16, 2026

Во соопштение за нападот во Џабалија, армијата тврди дека четворица од убиените полицајци биле припадници на Хамас, но не понуди докази дека тие учествувале во планирање или извршување напади.

Еден од загинатите полицајци, полковникот Мохамад Марван Салем, бил висок полициски командант и началник на полициската станица во Џабалија, соопшти Министерството за внатрешни работи, кое е под контрола на Хамас.

Хамас, кој со години владееше со Газа, покрај вооружено крило има и цивилна полиција и безбедносни служби под надлежност на Министерството за внатрешни работи.

Во текот на војната, Израел повеќепати ги напаѓаше локалните полициски сили, вклучително и оние што ги обезбедувале конвоите со хуманитарна помош.

Израелската војска тврди дека полициските станици ги смета за легитимни цели доколку „се користат за воени активности или доколку луѓето во нив се воени оперативци вклучени во терористички активности“.

Сепак, армијата не објасни какви воени активности, според неа, се одвивале во полициската станица во Џабалија, ниту приложи докази дека таму се планирале напади.

Од Хамас, пак, тврдат дека полицијата има задача да го одржува јавниот ред и мир.

مرعب..

ليلة جنونية في غزة هذه اللحظات!

المحرقة مستمرة ولكن في صمت تام وكامل! pic.twitter.com/iC3NjMVcue

— MO (@Abu_Salah9) July 15, 2026

Жртвите растат и покрај примирјето

Нападите врз полицијата во Газа беа осудени од Канцеларијата на Обединетите нации за човекови права, која минатиот месец соопшти дека полициски службеници биле нападнати најмалку десетина пати во текот на 2026 година, вклучително и додека извршувале редовни полициски задачи, како регулирање на сообраќајот и патролирање по улици.

„Овој модел на напади предизвикува загриженост дека израелските сили не прават разлика меѓу полициски службеници и борци на вооружените групи во Газа“, се наведува во соопштението на ОН од 3 јуни.

Офер Гутерман, истражувач во Израелскиот институт за национални безбедносни студии, изјави дека ваквите напади укажуваат дека Израел смета оти делови од полицискиот апарат на Хамас се тесно поврзани со неговата воена инфраструктура, преку луѓе со двојни улоги и користење на објекти за складирање оружје, операции и логистика.

Кревкиот договор за прекин на огнот, постигнат во октомври, имаше цел да стави крај на двегодишната војна меѓу Израел и Хамас.

Најжестоките борби се намалија, но од стапувањето во сила на примирјето досега во Газа загинале најмалку 1.123 луѓе, според Министерството за здравство на територијата.

Министерството, кое функционира во рамките на владата предводена од Хамас, води детална евиденција за жртвите, која агенциите на ОН и независните експерти генерално ја сметаат за веродостојна.

Не се прави разлика меѓу цивили и борци, но се наведува дека најголем дел од загинатите се жени и деца.

И покрај примирјето, убиени 14 луѓе во израелски напад на Јужен Либан