Младата Илина Соколовска оствари нов голем резултат во Германија, македонското девојче веќе неколку години реди успеси во ритмичка гимнастика.

Бундес лигата повторно е активна по паузата поради пандемијата на коронавирусот. На стартот од ова натпреварувањето нашата натпреварувачка го освои бронзениот медал.

Во Берлин настапи со три точки, топка, чуневи и лента и благодарение на високите поени во соло настапите идниот месец ќе биде во Леверкузен со интернационален настап, пренесува „mms.mk“

Малку недостасуваше екипно во Берлин да се закити со среброто. Но, и покрај тоа до крајот на сезоната следуваат уште многу натпревари, собирање поени и на крајот прогласување на победникот.

Нејзината помала сестра Ева Соколовска годинава остана на резервната клупа во нејзината категорија во Бундес лигата, поради годините не е дел од најголемото германско натпреварување, но поради талентот и досегашните награди доби покана да биде дел од натпреварувањето, но само доколку е потребно за замена.