Италијанскиот тенисер Матео Арналди се повлече непосредно пред полуфиналето на грен слем турнирот Ролан Гарос против неговиот сонародник Флавио Коболи во петок поради здравствени проблеми.

Коболи ќе игра против Александер Зверев за титулата во недела. Германецот претходно го елиминираше Јакуб Меншик од Чешка.

Причината за откажувањето на вториот полуфинален меч е ненадејна вирусна инфекција на Арналди, кој моментно е рангиран на 104 место во светот.

Италијанецот се разболе ноќта пред полуфиналето, а неговите симптоми беа доволно силни за да го принудат да се повлече од најважниот меч во неговата кариера досега.

Арналди на прес-конференција објасни дека повраќал во раните утрински часови, не можел да спие и се чувствувал исцрпено и поспано неколку часа пред закажаниот почеток на полуфиналето.