Со зборовите на експретседателот на СДСМ Бранко Црвенковски -„или си СДСМ или не си“, лидерот на СДСМ Венко Филипче ја коментира фотографијата која вчера беше споделена на социјалните мрежи, а на која Црвенковски е во друштво на градоначалникот на Охрид од ВМРО-ДПМНЕ, Кирил Пецаков и пратеникот Саше Донев и со членови на ЗНАМ.

-Во однос на сликата која излезе на социјалните медиуми од поранешниот претседател на СДСМ Бранко Црвенковски, јас можам само да го цитирам поранешниот претседател на СДСМ Бранко Црвенковски, а тоа е  – или си СДСМ или не си – рече Филипче.

Фотографијата на која Црвенковски во охридски ресторан е во друштво на Пецаков предизвика бурни реакции.

На друга фотографија, Црвенковски е во друштво на Марина Ѓорговска, носителка на советничката листа на ЗНАМ во Охрид.

ФОТО: Бранко Црвенковски во интересно друштво на маса во охридски ресторан