Идеја за хранлив појадок — рецепт за омлет со мелено месо, готов за кратко време
Омлетот со мелено месо е брз, едноставен и заситувачки појадок, идеален за денови кога сакате нешто вкусно и хранливо. Комбинацијата од јајца, зачинето мелено месо и свеж зеленчук создава оброк што лесно се подготвува во само една тава, пишува „Пун куфер“.
Препорачано
Потребни состојки
За филот
- 1 лажичка масло
- 1 чешне лук, ситно исечкано
- 1 луто пиперче
- 1 врзоп млад кромид
- 225 гр. мелено свинско месо
- 45 гр. блитва или спанаќ
- 1 домат исечкан на коцки
- 1 лажица + 2 лажички соја сос
- 1 лажица сок од лимета
- 1 лажичка шеќер
За омлетот
- 4 јајца
- 2 лажички соја сос
- свеж коријандер
- 4 лажички масло
Подготовка
Во загреана тава ставете масло, па кратко пропржете ги лукот, лутото пиперче и младиот кромид. Додадете го меленото месо и пржете додека убаво не се распадне и порумени.
Потоа додадете ги блитвата или спанаќот, доматот, соја сосот, сокот од лимета и шеќерот. Гответе уште околу шест минути, додека течноста не испари.
Во посебен сад изматете ги јајцата со соја сос и коријандер.
Исчистете ја тавата, додајте малку масло и сипете половина од смесата со јајца. Испечете тенок омлет.
На средината ставете половина од филот, па преклопете ги страните за да добиете правоаголна форма.
Повторете ја постапката и со останатите состојки.
Послужете топло, со свеж коријандер по желба.
