И Вардар со една нога на Ф4 во СЕХА: Војводина во „Јане“ декласирана со 13 гола разлика
По денешниот прв натпревар на Вардар на гости кај Војводина ќе биде само формалност, бидејќи „црвено-црните“ во „Јане Сандански“ го декласираа српскиот тим со убедливи 38:25.
Доминираше Вардар против Војводина од почетокот до крајот, но треба да се знае дека српскиот тим во Скопје допатува без некакви големи амбиции и со подмладен тим.
Таквата ситуација на теренот донесе само полесен тренинг за вардарци. Убедливиот триумф беше најавен уште во првото полувреме по кое Вардар водеше со 22:11. Во вторите 30 минути ништо не се промени на теренот и беше прашање само со колкава разлика ќе слави македонскиот претставник.
Јан Чувара беше најефикасниот кај Вардар со 10 гола, Куни Моралес постигна осум пет додаде Дутра, а со четири гола натпреварот го заврши Филип Талески. Треба да се истакне и Гогов на голот кој собра десет одбрани.
Во Војводина на реваншот Вардар ќе гостува на 11. април. Ќе потсетиме, пред пласман на завршниот турнир е и Еурофарм Пелистер кој пред два дена во Битола го совлада Татран со 37:29.
Татран прегазен во Битола, Еурофарм Пелистер пред промоција на Ф4 во СЕХА!