И тоа е можно: Златан Ибрахимовиќ пред изненадувачки трансфер!?
Поради новите проблеми кои дојдоа во Милан, се шпекулира дека Швеѓанецот би можел да ја продолжи кариерата во својот Хамарби.
Златан Ибрахимовиќ би можел после само пола година да го напушти Милан, во кој дојде со цел со своето искуство да го врати клубот на победничките патеки.
Додека се играше фудбал, до почетокот на март, 38-годишниот Швеѓанец беше еден од главните играчи на „росонерите“ и во Милано повторно владееше оптимизам.
Но, дојдоа нови проблеми во раководството на клубот од „Сан Сиро“, поради кои си замина Звонимир Бобан од функцијата шеф на фудбалски операции во клубот, а наскоро би можел истото да го направи и Паоло Малдини кој моментно е технички директор на екипата.
Hammarby sporting director drops hint Zlatan Ibrahimovic may sign for them next season https://t.co/9nixg7kyEh
— MailOnline Sport (@MailSport) May 11, 2020
Поради ваквата лоша ситуација, според шведските медиуми Ибрахимовиќ се поврзува со заминување од клубот со кој има договор до 30 јуни 2020 година и не е познато дали ќе ја продолжи соработката со калчолигашот.
Ја искористи принудната пауза во Серија А, со тренинзи и играње контролни натпревари за Хамарби во Шведска за да ја одржи формата, за клубот во кој Златан има 25 отсто сопственост од акциите.
– Има шанса да го ангажираме во екипата, верувам во тоа. Но, на крајот, тоа го знае само Златан – потврди спортскиот директор на Хамарби, Јаспер Јансон за „Експресен“.