Околу 65.000 сообраќајни прекршоци регистрирале камерите од системот „Безбеден град“ само за 12 часа во првиот ден од пробниот период од еден месец пред Министерството за внатрешни работи од 1 јануари да почне да го применува Законот за сообраќај, со цел да се подобри безбедноста на граѓаните што се учесници во сообраќајот. Преку СМС-порака или електронска пошта вчера беа испраќани само опомени до сопствениците на возилата кои беа регистрирани дека ги прекршиле прописите, во кои преку линк можеше да се пристапи до записникот и платниот налог со висината на глобата, која се разликува во зависност од прекршокот.

На социјалните мрежи имаше многу реакции зошто пристигале опомени и за брзина од 51 км на час.

На линкот подолу погледнете како изгледа записникот за сообраќаен прекршок.

Записник за сторен сообраќаен прекршок-12683467

Добрата вест за тие што добија СМС или мејл е што на сите 65 илјади налози, на дното на записникот, каде што е предвидено место за жиро-сметката на која што ќе треба да се уплаќа глобата, пишува „Фаза на тест период“.

За 12 часа камерите на „Сејф Сити“ фатија 65.000 прекршоци