И дефинитивно, Лидс и Алиоски во Премиер лигата

фото:твитер

После триумфот на домашен терен против Барнсли, математички до учество во елитата на Лидс му беше потребен уште еден бод.

Но, вечерва второпласираниот Вест Бромвич Албион загуби на гостувањето кај Хадерсфилд со 2:1 и така се промовираа играчите на менаџерот Марсело Биелса како учесници во Премиер лигата следната сезона.

После 16 години Лидс повторно е дел од Премиер лигата, а секако за нас радува и фактот што по подолг период и Македонец ќе има во елитата, а во овој случај тоа е нашиот репрезентативец Езгјан Алиоски.

На тој начин, ВБА (82) кој има уште еден меч до крајот на сезоната во Чемпионшип не може да го престигне Лидс (87) кој моментно е на водечката позиција.

Ваквиот резултат сега му дава шанса на третопласираниот Брентфорд (81) кој својот меч од 45 коло ќе го има утре на гости кај Стоук.

Лидс својот претпоследен дуел сезонава ќе го има в недела кај Дерби.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот