Хрватскиот голман Кристијан Пилиповиќ на крајот од сезоната ќе се раздели со Охрид и ќе ја продолжи кариерата во швајцарски Луцерн, што официјално го потврди и клубот од Швајцарија.

Пилиповиќ брзо се вклопи во новата средина и остави добар впечаток во дресот на Охрид, но неговиот престој ќе трае само до јуни. Потоа ќе се пресели во Луцерн, со кој потпиша договор на три години.

„Среќни сме што ни се приклучува Кристијан Пилиповиќ. Неговата опсесија победува и сигурно со своето искуство ќе биде клучен за нашиот проект“, изјави спортскиот директор, Ник Томинец.

Охрид во моментов на располагање ги има уште Бојан Блажески и Даниел Ѓорѓески, а од лето клубот ќе мора да бара ново решение меѓу стативите.