Шест хрватски туристи моментно се заглавени на островчето Сокотра во Арапското Море. Островот му припаѓа на Јемен, каде што нов бран насилство и воени конфликти создава хаос, јавува ХРТ.

Коалицијата предводена од Саудиска Арабија спроведува воздушни напади против сепаратистите на југот од земјата, а целиот воздушен сообраќај е запрен во целата област.

Поради ова, Хрватите со денови не можат да го напуштат островот и да се вратат дома. Хрватската група пристигнала во Сокотра преку туристичка агенција и требало да се врати на 2 јануари, но по пристигнувањето на аеродромот откриле дека сите летови се откажани.

„Моментно сме во Сокотра и не знаеме кога ќе можеме да се вратиме дома. Нашата амбасада во Египет се вклучи во решавањето на ситуацијата и собирањето информации за да се обезбеди нашето безбедно враќање “, велат заглавение туристи.

И покрај драматичната ситуација, локалното население пружа помош и гостопримство, обезбедувајќи им на туристите сместување и основна логистика на островот.

Хрватската амбасада вели дека помошта нема да му недостасува на никого, но околностите го отежнуваат брзото враќање.

ВИДЕО | Саудиски бомби врз Јемен, Ријад обвинува за оружје од ОАЕ