Хонг Конг ќе додели 500.000 бесплатни авионски билети за да привлече туристи
Владата на Хонг Конг планира да подари 500.000 бесплатни авионски билети за да го заживее туристичкиот сектор и да привлече посетители. Иницијативата „Здраво Хонг Конг“ беше претставена во четвртокот и се работи повеќе од две години.
Билетите ќе бидат дистрибуирани помеѓу три авиокомпании: Кетвеј Пацифик, ХK Експрес и Хонгконг Ерлајнс. Вкупно 500.000 билети го чинеле градот околу 254,8 милиони долари. Патниците кои сакаат да патуваат во Хонг Конг можат да ја посетат веб-страницата на Ворлд оф Винерс и да ги внесат своите податоци за лотаријата за авио билети од 1 март.
Билетите ќе се доделуваат во три бранови – од 1 март за луѓето низ Југоисточна Азија, од 1 април за луѓето кои живеат во континентална Кина и од 1 мај за жителите на остатокот од светот, пишува Си-Ен-Ен.
Во акцијата можат да се приклучат и локалните жители. Од 1 јули, дел од авионските билети ќе им бидат поделени на жителите на Хонг Конг кои сакаат шанса да го надоместат изгубеното време за патување, објави порталот Клик.ба.