Холандската принцеза поради закани иселена од студентскиот дом
Осумнаесетгодишната принцеза Кетрин-Амалија мораше да се исели од студентскиот дом во Амстердам и да се врати во палатата поради закани за нејзината безбедност, соопшти холандското кралско семејство.
Наследничката на холандскиот престол се пресели во Амстердам за да студира, а дури и кралот Вилем-Александар зборуваше за нејзината тешка ситуација во текот на државната посета на Шведска.
View this post on Instagram
Кралицата Максима објаснила дека принцезата едвај излегува од куќата.
„Оваа ситуација многу влијаеше на нејзиниот живот. Таа не може да живее во Амстердам, а всушност воопшто не може ниту да излезе од дома“, објаснила кралицата.
Амалија почна да студира на Универзитетот во Амстердам во септември и се пресели таму, но набрзо се појавиле безбедносни закани, поради што била принудена да се врати во палатата во Хаг.
„Последиците се тешки за неа. Таа нема студентски живот, како другите нејзини колеги. Не е пријатно вашето дете да живее така“, додала кралицата Максима.
Принцезата Амалија студирала политика, психологија, право и економија.
Иако деталите за заканите не се откриени, неколку холандски медиуми објавија дека безбедноста на принцезата е зголемена поради заканите дека криминалните банди би можеле да ја нападнат или киднапираат.
View this post on Instagram
Инаку, најстарата ќерка на холандскиот крал Вилем-Александар се најде во центарот на вниманието кога се откажа од своето право на нејзиниот голем додаток од 2 милиони долари (1,6 милиони евра), велејќи дека се чувствува непријатно да би ги зела парите кога не направила ништо за да ги заработи.
Холандската принцеза Амалија се откажува од своето право на годишен приход: Одбила 1,6 милиони евра