Научниците предупредуваат дека сè поголемиот број случаи на луѓе кои боледуваат од Паркинсонова болест може да биде поврзано со хемикалија што се наоѓа во некои производи за чистење, како што се средства за чистење теписи и средства за отстранување на бои и дамки.

Бројот на Американци кои страдаат од Паркинсонова болест се зголемил за 35% во текот на изминатата деценија и може да се зголеми двојно во следните 25 години, пренесува „The Guardian“.

Доказите сугерираат дека, барем делумно, за тоа може да биде виновна хемикалијата трихлоретилен. Оваа хемикалија се користи како индустриски обезмастувач, средство за отстранување на дамки и за чистење на разни видови материјали, вклучувајќи облека, теписи и метална опрема. Може да се најде и во некои лепила и средства за чистење на мебел или автомобили, што може да биде ризично доколку луѓето го вдишат неговиот мирис или ако дојде во контакт со кожата, пренесува „EPA“.

Истражувањата покажаа дека изложеноста на трихлоретилен е потенцијален ризик за развој на Паркинсонова болест дури и неколку децении подоцна…

Трихлоретилен е исто така познат канцероген и е поврзан со рак на бубрезите, не-Хоџкин-ов лимфом и рак на црниот дроб.

Нејзината употреба беше забранета во Минесота, а неодамна и во Њујорк, откако „Reveal“ дополнително информираше опасноста и употреба во производствени погони и воени бази во државата.

Сепак, трихлороетилен не влијае само на оние кои се во директен контакт, бидејќи може да преживее во животната средина повеќе од една година. Луѓето можеби не се ни свесни дека оваа хемикалија може да ја контаминира почвата и подземните води, вклучително и онаа што ја пијат.

„Бројни студии ја поврзуваат водата за пиење со Паркинсоновата болест и не мора да биде предизвикана само од трихлороетилен, туку и од пестициди како што е паракват“, вели Бриана де Миранда, професор по неврологија на Универзитетот Алабама во Бирмингем.

Употребата на филтри за вода може да помогне во ублажување на нивото на трихлоретилен, но сепак постои ризик затоа што луѓето се капат во загадена вода или ја вдишуваат оваа опасна хемикалија.