Хаос во ЛА Лејкерс, Леброн и Вестбрук не зборуваат меѓу себе
Две од трите големи ѕвезди на Лос Анџелес Лејкерс, Леброн Џејмс и Расел Вестбрук не зборуваат меѓу себе, пренесуваат медиумите во САД.
Според спортскиот магазин „Спортс Илустрејтед“, кавгата меѓу Џејмс и Вестбрук претставува голем проблем за управата која се обидува да го врати клубот на победничките патеки откако минатата сезона не успеа да обезбеди ниту пласман во плеј-офот.
– Џејмс и Вестбрук се во кавга, а за време на натпреварите во Летната лига во Лас Вегас, воопшто не ни разговараа – пишува „Спортс Илустрејтед“.
Првата ѕвезда на Лејкерси одби да ги коментира написите во медиумите.
Медиумите во САД не наведуваат кога се скарале двете ѕвезди на Лејкерс, но пишуваат дека управата на клубот работи на размена со Бруклин со која Вестбрук би се преселил во Источната конференција во замена за Кајри Ирвинг.