Капитенот на колумбиската фудбалска репрезентација, Хамес Родригез, завршил во болница поради проблеми со дехидрација, информираа од Фудбалскиот сојуз на Колумбија.

Искусниот фудбалер од средниот ред бил задржан на лекување во Минесота, веднаш по враќањето од репрезентативниот собир, откако неговата состојба се влошила.

„Еден ден по натпреварот против Франција, Хамес покажа знаци на сериозна дехидрација која бараше негова хоспитализација“, соопштија од фудбалскиот сојуз.

Родригез настапи 63 минути на пријателскиот натпревар против Франција, во кој Колумбија претрпе пораз со 1-3.