Напаѓачот на Борусија Дормунд, Ерлинг Халанд на лето ќе избира меѓу само два клуба во кои би ја продолжил кариерата, Манчестер сити и Реал Мадрид.

Оваа вест ја потврди поранешниот норвешки фудбалер и близок пријател на родителите на Ерлинг, Јан Аге Фјортофт.

– Сагата околу Ерлинг Халанд влегува во завршна фаза и фаворити за неговиот потпис се Манчестер сити и Реал Мадрид. Многу клубови ќе почнат да спинуваат и ќе велат дека „Халанд е прескап“, но многу пореално е да се каже дека Сити и Реал се главни фаворити за неговиот потпис и останува да видиме кој ќе излезе како победник – изјави Јан Аге Фјортофт.

Откупната клаузула на Халанд на лето ќе изнесува 75 милиони евра кои ќе и припаднат на Борусија Дортмунд додека идниот клуб ќе мора да издвои дополнителни 40 милиони евра провизија за агентот и таткото на фудбалерот, Мино Рајола и Алф-Инге Халанд, додека напаѓачот треба да потпише петгодишен договор вреден помеѓу 25 и 35 милиони евра по сезона.