ГРК Охрид го совлада Олимпијакос и е блиску до пласман во полуфиналето на ЕХФ Европскиот куп
Денеска во првиот натпревар од четвртфиналето од ЕХФ Европскиот куп одигран во Атина, ракометарите на Охрид славеа со 31:26 над Олимпијакос.
Препорачано
-
1
-
2
-
3
После првото полувреме македонскиот претставник имаше предност од пет голови разлика (15:10).
Во текот на првите 30 минути играчите на тренерот Борис Ројевиќ имаа и позитива од шест голови (14:8).
Охриѓани во текот на вториот дел воглавно одржуваа водство од четири-пет голови и на крајот успеаја да дојдат до голем и важен триумф.
Во редовите на ГРК Охрид најефикасни по седум погодоци беа Иванковиќ и Лиапис, а по четири имаа Стрмлјан и Прибетиќ. Значаен придонес имаше и голманот Пилиповиќ со 16 одбрани. На спротивната страна најрасположен беше Савас со 14 погодоци.
ГРК Охрид е блиску до историски пласман во полуфиналето на клупското натпреварување, ваквиот добар резултат и игра треба да го потврди на реваншот кој е закажан за 4 април во СРЦ „Билјанини Извори“.
