Градот на светлината празен- Започна полицискиот час во Париз (ВИДЕО)

Граѓаните ќе можат да се движат низ земјата, но навечер секој мора да биде во својот дом или место на привремен престој.

За околу 20 милиони Французи, од вечерва во 21 часот до 6 часот наутро започнува да важи полицискиот час како владина мерка против епидемијата на коронавирус.

На лицата кои ќе ги прекршат правилата, им се заканува казна од 135 евра, а во случај на повторување на прекршокот, ќе се изрече казна до шест месеци затвор и 3.750 евра.

Париз, Франција/Фото: EPA-EFE/IAN LANGSDON

Ноќниот карантин важи за Париз и неговата поширока област, како и за градовите Лион, Лил, Тулуз, Монпелје, Сент Етјен, Марсеј, Руан и Гренобл.

Мерката не се однесува на луѓе кои одат на работа, лица кои имаат медицински проблем како и оние кои треба да посетат некој член на семејството на кој му е потребна помош.

Прочитајте и...  Од Јажинце до Пирок и од Шапка до Групчин: Тетовските пожарникари со над 500 интервенции досега во годината

За време на полицискиот час, сопствениците на миленичиња ќе можат да ги шетаат во радиус не повеќе од еден километар од нивното место на живеење.

За време на ноќниот карaнтин, луѓето што излегуваат надвор ќе мора да имаат потврда за причините за напуштање на домот. Оваа потврда може да биде на хартија или на мобилен телефон.

Околу 12.000 полицајци ќе бидат распоредени како поддршка за градските полициски патроли за да го следат почитувањето на полицискиот час.

Критичарите велат дека мерката негативно ќе влијае на угостителството, како и во сферата на културата, затоа што навечер нема да има театри, претстави и кина. Сите активности се префрлени исклучиво во текот на денот.

Прочитајте и...  СЗО и Википедија заедно во борба со дезинформациите за ковид-19

Граѓаните ќе можат да се движат низ земјата, но навечер секој мора да биде во својот дом или место на привремен престој.

Полицискиот час ќе трае четири недели, но се очекува да продолжи до 1. декември, освен ако не се подобри епидемиолошката состојба.

Во Франција, 122 лица починаа од коронавирус во четвртокот и петокот, а 33.303 од почетокот на епидемијата. Повеќе од 20.000 луѓе се заразуваат на дневна основа.

Поврзани вести

Гринпис: Загадената вода од Фукушима ако се исфрли во Пацификот може да и наштети на човековата ДНК

Слободен печат

„Ла Кроа”: Софија би можела да истрае во блокирањето на Северна Македонија, но делумно и блефира

Слободен печат

Новата српска влада со три нови министерства- ресори за селото, човековите права и семејството

Слободен печат

Изречени 915 казни за неносење маски

Слободен печат

Судири во Полска по дополнителните ограничувања на правото на абортус

Слободен печат

ВМРО-ДПМНЕ: На денот на ВМРО протестираме со автомобили во Скопје и во Штип

Слободен печат

Остави Коментар