Ѓорѓев останува во Грасхоперс до 2022 година
Македонскиот репрезентативец, Никола Ѓорѓев, останува верен на Грахоперс.
Ѓорѓев и швајцарскиот второлигаш се обврзаа да ја продолжат соработката на дополнителни две години.
– Задоволни сме што го продолживме договорот со Никола Ѓорѓев. И покрај неговата младост, тој има големо искуство и е важен дел од офанзивата на Грасхоперс. Оваа сезона постигна осум гола на 20 натпревари“, изјави извршниот директор на клубот, Фреди Бикел.
Der Grasshopper Club Zürich verlängert den Vertrag mit Nikola Gjorgjev vorzeitig. Der 22-jährige Offensivspieler hat einen Vertrag bis 2022 unterschrieben. News: https://t.co/gVzSrf6fes#gc #zürich #traditionsclub pic.twitter.com/mgfDvd66ij
— Grasshopper Club Zürich (@1886_gc_zuerich) February 21, 2020
Ѓорѓев потекнува од младинските школи на славниот швајцарски клуб од минатото. Дебито во сениорскиот тим го имаше во 2017 година, како 17-годишен играч. Од тогаш настапи во 66 меча за Грасхоперс, во кои постигна девет гола и забележа шест асистенции.
Ѓорѓев досега двапати беше позајмуван од Грасхоперс. Есенскиот дел во сезоната 2017/18 ја мина во Твенте, а пролетниот во екипата на Арау. За младата репрезентација на Македонија одигра 12 натпревари на кои постигна два гола, а за „А” тимот одигра пет натпревари, но сè уште го чека првенецот.
