Опелка кој сезоната ја заврши на 39. позиција на АТП ранг листата смета дека формирањето на новата асоцијација на професионални тенисер (ПТПА) од страна на Ѓоковиќ и Васек Поспишил е одличен потег.

Американскиот тенисер во интервју за магазинот „Рекет“ вели дека поради формирањето на ПТПА, Новак Ѓоковиќ се најде на удар на медиумите но и дел од официјални тениски лица како и тенисери, и сето тоа делува фрустрирачки.

– Да, јас сум за ПТПА и мислам дека тоа е одличен потег. Фрустрирачки е да се види кога личност како Новак има толку негативен третман во медиумите и тоа поради работи кои не се вистинити, зарем не? Новак е личност која е пријателски настроена, тој на УС Опен беше во можност да се бори да влезе во историјата, да биде еден од најдобрите играчи на сите времиња. Сигурно не му беше потребно, но тој дојде до мене по мечот да разговараме и да ме праша како ми е коленото – вели Опелка кој притоа истакна дека во тенисот има толку малку позитивни примери.

– Ќе се согласите дека тоа не е секојдневие во тенисот. Не израснавме заедно, ние сме различни генерации. Мисам дека Новак се грижи за помладите генерации, се грижи и за тенисерките бидејќи го сака овој спорт.