Тренерот на фудбалерите на Кристал палас, Оливер Гласнер, по освојувањето на Конференциската лига изјави дека неговиот тим заслужува да го освои првиот европски трофеј во историјата на клубот.

Англискиот клуб ја освои Конференциската лига во средата откако го победи шпанскиот Рајо Ваљекано со 1:0 во финалето одиграно во Лајпциг, Германија.

– Морам да му честитам на тимот бидејќи тоа беше натпреварот што го очекувавме, но мислам дека одигравме неверојатни 15 минути на почетокот на второто полувреме кога постигнавме гол и можевме да го решиме натпреварот. На крајот се браневме добро, беше фантастична вечер. Мислам дека тимот, клубот и навивачите заслужија да ја освојат Конференциската лига. Многу сум задоволен што се случи тоа – рече Гласнер, како што објави Скај Спортс.

ВИДЕО | Хаос во Лајпциг: Се степаа хулиганите на Кристал палас и Рајо Ваљекано