Градоначалникот на Скопје Орце Ѓорѓиевски положи цвеќе на споменикот на Св. Климент Охридски пред Универзитетската библиотека што го носи неговото име, по повод државникот празик посветен на најголемиот македонски учител и духовник. Градоначалникот порача македонските граѓани да го чуваат негуваат и бранат споменот и делото на Св. Климент.

-Денеска со длабока почит се поклонуваме пред споменикот на Св. Климент Охридски, пред делото на светителот по чија мудрост, посветеност и учителска мисија светот нè препознава. Честит и вековит празник, Македонијо! Македонскиот народ со гордост го чествува денот посветен на еден од најзначајните ученици на светите браќа Кирил и Методиј, основачот на првиот универзитет и творецот што ги постави темелите на писменоста и духовноста на европската цивилизација. Неговото дело е камен темелник на нашата културна самобитност што продолжува да нè води низ времињата, напиша Ѓорѓиевски.