По одличниот настап на Австралија опен, Новак Ѓоковиќ веќе се насочува кон продолжението на сезоната и новите предизвици што го очекуваат. Засега српскиот тенисер не открива каде ќе настапи следно, но организаторите на турнирот во Индијан Велс најавија дека тој планира учество на првиот Мастерс во годината.

Ѓоковиќ се најде и на официјалниот постер на турнирот, заедно со Карлос Алкараз и Јаник Синер, што најавува уште еден врвен тениски спектакл за љубителите на овој спорт.

Ваквото сценарио не е изненадување, бидејќи и минатата сезона Србинот настапи на двата поврзани Мастерс-турнири во САД, Индијан Велс и Мајами. Во Калифорнија беше елиминиран уште во првото коло од Ван де Зандшулп, додека во Мајами стигна до финалето, каде загуби од Јакуб Меншик.

Во меѓувреме, останува неизвесно дали Ѓоковиќ ќе настапи и на турнирот во Доха кон средината на февруари, каде што се пријавени и неговите големи ривали Синер и Алкараз.