Германскиот репрезентативец и фудбалер на Борусија Дортмунд, Карим Адејеми се најде во непријатна ситуација откако бил фатен со недозволено оружје, поради што ќе мора да плати висока парична казна од 450.000 евра.

Како што пренесува „Билд“, кај младиот фудбалер биле пронајдени боксирач и електрошокер, што претставува прекршување на германските закони и резултирало со строга санкција.

Случајот го потврди и директорот на германската репрезентација, Руди Фелер, кој остро го осуди потегот на Адејеми, нагласувајќи дека ваквото однесување е недозволиво за еден национален репрезентативец.

Адејеми има можност казната да ја подмири и на 60 дневни рати од по 7.500 евра. И покрај висината на казната, исходот се смета за поволен за фудбалерот, бидејќи за ова дело во Германија е можно и издржување затворска казна.

Преземено од: Спорт.ком.мк