Германскиот министер за надворешни работи Јохан Вандевол изјави во неделата дека ќе се обиде да ги зајакне врските со Боливија, бидејќи Берлин го насочува своето внимание кон Ла Паз по промената на владата, во услови на напори да ја намали зависноста од Кина за увоз на критични суровини како што е литиумот, објави ДПА.

„Боливија е богата со суровини, особено литиум, кој е од суштинско значење за нашата енергетска транзиција, електричната мобилност и многу други сектори во Германија“, објасни Вандефул пред неговата посета на земјата.

Се проценува дека Боливија има најголеми резерви на литиум на планетата.

Тоа е метал што се користи особено во производството на батерии за електрични автомобили, електроника како што се мобилни телефони, лаптопи, фотоволтаични и системи за ветерна енергија и така натаму.

Побарувачката за литиум-јонски батерии брзо расте, а владата на канцеларот Фридрих Мерц не ја крие својата намера да ја намали зависноста од Кина.

Германскиот министер за надворешни работи Вандефул, исто така, истакна дека Боливија има и наоѓалишта на ретки земјини елементи, подеднакво критични суровини, гледајќи „ голем “ потенцијал за зајакнување на билатералната соработка

Вандефул планира да се сретне во градот Санта Круз  со новиот претседател на Боливија од десниот центар Родриго Паз, новиот министер за надворешни работи Фернандо Уго Переира и бизнисмени.

Паз, избран од Христијанско-демократската партија, стави крај на две децении левичарска доминација во Боливија кога победи во вториот круг од претседателските избори во октомври, наспроти поделбите во Движењето кон социјализам (MAS) и конфликтот меѓу поранешните претседатели Ево Моралес и Луис Арсе.

Претседателот Паз, кој ја презеде функцијата завчера, се соочува со големи предизвици, особено со длабоката економска криза , со висока инфлација и акутен недостиг на долари, гориво, храна и лекови.

Боливија, држава без излез на море со 11,3 милиони жители, останува, и покрај богатството на нејзиното подземје, една од најсиромашните земји во Латинска Америка.