Германија ќе финансира пакет оружје вреден 150 милиони евра за Украина преку иницијативата „Приоритетна листа на украински барања“, изјави во петокот германскиот министер за одбрана, Борис Писториус, објави „Јуроњуз“.

Иницијативата со кратенка ПУРЛ беше лансирана во јули од генералниот секретар на НАТО, Марк Руте, и од американскиот претседател Доналд Трамп, по критиките од Белата куќа дека Европа мора да преземе поголем дел од одговорноста за безбедноста на Украина.

Новата финансиска шема предвидува 17 главно европски сојузници да купуваат оружје произведено во САД, кое потоа се предава на Украина. Целта е да се обезбеди предвидлив проток на смртоносна и несмртоносна помош, вклучително и противвоздушна одбрана.

ПУРЛ е клучна за спроведување на обврската на Европа и на Канада да го преземат најголемиот дел од товарот за безбедноста на Украина додека таа продолжува да се брани од руската целосна инвазија.

Сијарто: Место да ја финансира воената помош за Украина, Унгарија ќе ѝ даде 1,5 милиони евра на либанската војска

Новите податоци за западната воена помош за Украина покажуваат дека таа паднала за 43 отсто во јули и во август во споредба со првата половина од годината, според германскиот Институт Кил, кој ја следи воената и финансиската поддршка за Киев.

Во објава на „Инстаграм“ во петокот, Писториус рече дека германскиот парламент се согласил на нацрт-буџетот за 2026 година, кој предвидува 11,5 милијарди евра поддршка за Украина следната година — зголемување од 3 милијарди евра. Нацрт-буџетот бил договорен по 15-часовна седница што траела до раните утрински часови, а Бундестагот треба да гласа за него подоцна овој месец, додаде Писториус.

Можно испорачување ракети „Таурус“?

Системите за оружје што се купуваат во САД вклучуваат системи за противвоздушна одбрана „Патриот“ и ракети. Писториус не коментираше дали Германија ќе ѝ достави на Украина и крстосувачки ракети „Таурус“.

„Украина се соочува со четврта воена зима поради ова,“ рече Писториус по разговорите со министрите за одбрана од Полска, Италија, Франција и Велика Британија.

Високата претставничка за надворешна политика на ЕУ, Каја Калас, исто така, присуствуваше на состанокот на групата E5, а украинскиот министер за одбрана, Денис Шмигал, се приклучи преку видеолинк.

Писториус додаде дека целта на повторените руски напади врз украинската енергетска мрежа е да ги направи зимските месеци што е можно потешки за Украинците и да го скрши нивниот морал, нагласувајќи дека Германија останува подготвена да ја води поддршката за Киев.

„Украина може и понатаму да се потпира на нас,“ рече тој.

Тој додаде дека Германија ќе продолжи да инвестира во украинската одбранбена индустрија.

Захарова: Русија е подготвена за секакво сценарио во случај на напад од НАТО

Хибридни закани и руски дронови

Покрај украинската безбедност, хибридното војување била друга важна тема на разговорите.

Русија се обидува „да ги вознемири и исплаши нашите општества,“ рече Писториус, повикувајќи се на серија прекршувања на воздушниот простор на НАТО и ЕУ во последните недели.

Аеродроми во Европа веќе морале неколкупати да бидат евакуирани и затворени поради прелети на дронови.

Писториус изјави дека „мора да делуваме како тим“ во одбраната од дронови и дека заедничка набавка на ефективни системи за одбрана од дронови треба да биде претставена на следната средба на групата E5 во Варшава, на почетокот на следната година.

Сепак, засега нема конкретни докази што директно ги поврзуваат овие инциденти со Русија.

„Не мора да сте Шерлок Холмс за да заклучите кому му одговараат овие повреди на воздушниот простор,“ рече Писториус.

Британскиот министер за одбрана, Џон Хили, потврди дека британската делегација на експерти за дронови, испратена во Белгија, ќе продолжи да работи. Тој потврди и дека припадници на 12-тиот полк на Кралската артилерија ќе бидат распореден во Финска за операции за одбрана од дронови.

Русија го нападна Киев со стотици дронови и ракети, при нападите има десетици повредени